सौंदर्य आतलं की बाहेरचं???
खरंच आवश्यक असतं का
प्रत्येक गोष्टीचं चाकोरीत बसणं
नेहमी नजरेला भावेल
असंच सौंदर्याचं असणं
खरंच आवश्यक असतं का
नेहमीच वठलेल्या झाडावर पालवीचं बहरणं
कोणी पहात का नाही
पालवी विरहीत दिवस काढलेल्या
रूक्ष फांद्यांचं ऐटीत पसरणं....
फुलांनी मनमोहक असावं
असंही कुठे लिहीलंय
गुलाब काळा असो वा पांढरा
दरवळणं दोघांनाही आलंय...
हरणाने नेहमीच पायांकडे पाहीलं
तर पोटातल्या कस्तुरीचा दरवळ तो कधीच जाणणार नाही
दुषणं देत पायांना
कधीच वार्याला गाठणार नाही...
आपल्यातलं सौंदर्य आपल्यालाच शोधावं लागतं
इतरांनी ते शोधून द्यावं
अशा अपेक्षेवर राहीलं की
जे जगापेक्षा वेगळं आहे तेही गमवावं लागतं....
-कोमल
Awesome 💯❤
ReplyDelete