गुंता

खरं प्रयत्न करतेय मी

स्वत:ला शोधण्याचा

पण गुंता इतका वाढलाय

की सुरूवातीचा धागाच सापडत नाही आहे

ज्यात मी अडकली आहे 

तो भाग तर तुझाच आहे

पण तु केव्हाच त्याला वेगळं केलंय स्वत:पासून

आता जो भाग आहे 

तो केवळ एक निर्जीव तुकडा आहे

ज्यात ना प्रेम आहे 

ना तुझी जाणीव

एकच गोष्ट करू शकते मी आता

तुझ्या त्या निर्जीव अस्तित्त्वात अडकलेला 

माझा भागही तोडून फेकून देते

आणि सुरू करते एक आयुष्य नव्याने

एका नवीन जखमेसोबत

                       -कोमल