प्रेम मीही केलंय...तुझ्या प्रेमावर
मी तिच्या डोळ्यांत गुंतलो होतो
ती मात्र शोधत होती तिचं जग
त्याच डोळ्यांनी
ज्यात माझं जग सामावलेलं होतं....
तिच्या डोळ्यातले भाव मी टिपत होतो
पण निरागस ते डोळे
पापणी न मिटता
वाट पहाण्यात व्यस्त
आतुरतेने अशा वाटेवर
जिथे कधी कोणत्याच पावलाचा ठसा
परतताना दिसला नाही...
तिच्या डोळ्यांत पहायचा होता मला
माझ्यावरच्या प्रेमात
काठोकाठ भरलेला समुद्र
पण मला त्यात दिसला
समुद्रालाही नेहमी शुष्क रहाण्याचा
नियतीने दिलेला शाप....
-कोमल
No comments:
Post a Comment