तुझं दूर असणंही चालेल मला
पण तुझं नजरेआड होणं नाही
तुझा अबोलाही सहन करेन मी
पण तुझं निरोप घेणं नाही....
तू तिथेच रहा
नदीच्या पल्याड समांतर किनार्यावर
दोघंही करू प्रवास
एकाच प्रवाहासोबत पण हातात हात न घेता....
नाही करणार प्रयत्न मी
कधीच तुझ्यापर्यंत पाहोचणारा
स्वप्नातही नसेल कधी
पूल किनार्यांना जोडणारा....
कधी चुकून हवा असेल
तुला ओळखीचा निवारा
फक्त एकदा समोर पहा
एक नाव नेहमीच असेल
जर कधी वाटलाच सोडावासा किनारा ....
-कोमल
123RF.com
No comments:
Post a Comment