लगाम घालावा पण कोणाला
वेगवान वाहणार्या विचारांना की
त्या विचारांना लगाम घालणार्या
जुनाट मनोवृत्तीच्या विरूद्ध प्रवाहाला...
लगाम घालावा पण कोणाला
इतरांसाठी जगण्याच्या तळमळीला
की स्वार्थापोटी माणूसकी विसरणार्या
भावनाविरहीत मनांना...
लगाम घालावा पण कोणाला
स्वत:चे निर्णय स्वत: घेण्याच्या क्षमतेला
की इतरांच्या सल्ल्याच्या पांगूळगाड्यावर चालणार्या
अपंग विक्षिप्त बुद्धीला....
लगाम घालावा पण कोणाला
आधुनिक जगात समानता पसरवण्याला
की अजूनही जुन्या रूढींना बिलगून आपलंच म्हणणं खरं करणार्या
विकृत वृत्तीला....
लगाम घालावा पण कोणाला
स्वत:चा स्वाभिमान जपण्याच्या हिंमतीला
की समोरच्याच्या स्वाभिमानाच्या चिंध्या करणार्या
व्यर्थ अभिमानाला...
-कोमल कोरडे
No comments:
Post a Comment