मोकळ्या हातांनी आभाळालाही
जवळ केलंय मी
पण तुझ्यापर्यंत पोहचायची वाट
मी अजूनही शोधतेय....
वाटा असंख्य आहेत
पण अर्ध्यावर सोडणार्या या वाटा
मला कुठे नेऊन सोडतील
मला नाही माहीत
कदाचित इतकं दूर
जिथून मागे परतणंही शक्य नसेन
अन् नव्याने तुला शोधणंही...
गुंता असाच वाढत जाईल
तुला शोधता शोधता
मी स्वत:च हरवून जाईल
हरवून जरी गेले मी
तरी प्रेम तुझ्यावरच राहील
मी माझ्यात नसले जरी
तरी तू माझ्यातच राहील...
-कोमल
No comments:
Post a Comment